Матай

Ерөөлтэй еэ
(Лк 6:20–23)

5Есүс түмэн олныг хараад, уул өөд гаран суухад шавь нар нь Түүн дээр ирлээ. ² Тэр ам нээн тэдэнд сургамжилж хэлэхдээ: ³ Сүнсэндээ ядуус ерөөлтэй еэ! Тэнгэрийн хаанчлал тэднийх юм. ⁴ Гашуудагсад ерөөлтэй еэ!*Тэд тайвшрал авах болно. ⁵ Дөлгөөн хүмүүс ерөөлтэй еэ!*Тэд газрыг өвлөх болно. ⁶ Зөвт байдлын төлөө өлсөж, цангагч хүмүүс ерөөлтэй еэ!* Тэд хангалуун болох болно. ⁷ Энэрэнгүй хүмүүс ерөөлтэй еэ! Тэд өршөөл энэрлийг хүртэх болно. ⁸ Зүрхэндээ цэвэр ариун байгсад ерөөлтэй еэ!* Тэд Бурханыг харах болно. ⁹ Амар тайвныг тогтоогч хүмүүс ерөөлтэй еэ! Тэд Бурханы хөвгүүд гэж нэрлэгдэх болно. ¹⁰ Зөвт байдлын төлөө хавчигдагсад ерөөлтэй еэ!*Тэнгэрийн хаанчлал тэднийх юм. ¹¹ Надаас болж та нарыг хүмүүс доромжилж, хавчиж, та нарын эсрэг зүсэн бүрийн ёрын юм худлаар ярихад, та нар ерөөлтэй еэ!* ¹² Тэнгэр дэх шагнал чинь агуу учир баярлацгаа, мөн хөөрөн баясацгаа. Учир нь та нараас өмнө байсан эш үзүүлэгчдийг тэд ийнхүү
хавчсан юм..*

Давс ба гэрэл
(Мк 9:50; Лк 14:34–35)

¹³ Та нар газрын давс. Хэрэв давс амтаа алдвал хэрхэн буцааж давслаг болгох вэ? Энэ нь гадагш хаягдаж, хүмүүсийн хөл дор гишгэгдэхээс өөр юунд ч хэрэг болохгүй. ¹⁴ Та нар ертөнцийн гэрэл мөн. Уулан дээрх хот нуугдаж үл чадна. * ¹⁵ Хэн ч дэнлүү асаагаад савны доор тавьдаггүй, харин дэнлүүний суурин дээр тавьдаг. Тэр нь гэрт байгаа бүгдэд гэрлээ тусгадаг билээ. * ¹⁶ Хүмүүс та нарын сайн үйлсийг хараад, тэнгэр дэх Эцэгийг чинь алдаршуулахын тулд та нарын гэрэл тэдний өмнө тийнхүү гэрэлтэг. *Хуулийн биелэл ¹⁷ Хуулийг эсвэл Эш үзүүлэгчдийг^а хэрэгсэхгүй болгохоор Намайг ирсэн гэж бүү бод. Хэрэгсэхгүй болгохын тулд бус, харин биелүүлэхийн тулд Би ирсэн юм. ¹⁸ Үнэнээр Би та нарт хэлье. Тэнгэр газар өнгөрөн одож, бүгд биелэгдэх хүртэл Хуулиас ганц ч үсэг, ганц ч зураас алга болохгүй. ¹⁹ Тиймээс эдгээр тушаалын хамгийн өчүүхнийг нь ч болов үл тоомсорлон, бусдад тийн заасан хэн боловч тэнгэрийн хаанчлалд хамгийн өчүүхэн нэгэн гэгдэх болно. Харин эдгээрийг сахиж, ийн заасан хэн боловч тэнгэрийн хаанчлалд агуу нэгэн гэгдэх болно. ²⁰ Би та нарт хэлье, та нарын зөвт байдал хуулийн багш нар ба фарисайчуудынхаас илүү гарахгүй л бол та нар тэнгэрийн хаанчлалд яавч орохгүй.

Хилэгнэл
(Лк 12:57–59)

²¹ “Хүн бүү ал, хүний амь хөнөөсөн хэн боловч шийтгүүлбэл зохино” гэж хууччуулд айлдсаныг та нар сонссон.* ²² Харин Би та нарт хэлье, ах дүүдээ хилэгнэгч^b бүхэн шүүхийн өмнө буруутай. Ах дүүгээ “Хоосон толгой” гэж хэлсэн хэн боловч Зөвлөлийн өмнө буруутай. “Мунхаг” гэж хэлсэн хэн боловч галтай тамд орохоор буруутгагдах болно. ²³ Иймээс чи тахилын ширээнд өргөл өргөх гэж байхдаа чиний эсрэг ямар нэг юм ах дүүд чинь байгааг санавал, ²⁴ өргөлөө тахилын ширээний өмнө орхиод замаараа буц. Эхлээд ах дүүтэйгээ эвлэр, дараа нь ирж өргөлөө өргө. ²⁵ Замд хамт яваа дээрээ арцалдагчтайгаа аль болох түргэн сайд. Эс тэгвэл арцалдагч чинь чамайг шүүгчид өгч, шүүгч түшмэлд хүргэж, чи шоронд хаягдах вий. ²⁶ Үнэнээр Би чамд хэлье. Чи эцсийн зоосыг төлтлөө тэндээс гарахгүй Завхайрал ²⁷ “Чи бүү завхайр”* гэснийг та нар дуулсан. ²⁸ Харин Би та нарт хэлье. Эмэгтэй хүнийг тачаадан харах хүн бүр зүрхэндээ түүнтэй хэдийн завхайрсан хэрэг юм. ²⁹ Баруун нүд чинь чамайг бүдрүүлбэл ухаж аваад хая. Учир нь бүтэн бие чинь тамд хаягдсанаас эрхтний чинь нэг байхгүй байх нь чамд дээр.* ³⁰ Баруун гар чинь чамайг бүдрүүлбэл тастаад хая. Учир нь бүтэн бие чинь тамд хаягдсанаас эрхтний чинь нэг байхгүй байх нь чамд дээр.*

Гэр бүл салах нь
(Мт 19:9; Мк 10:11–12; Лк 16:18)

³¹ “Хэрэв эхнэрээсээ салбал цуцлалтын бичгээ түүнд өг”* гэж хэлсэн байдаг. ³² Харин Би та нарт хэлье. Садар самуунаас өөр шалтгаанаар эхнэрээсээ салсан хэн боловч эхнэрээ завхайруулж буй хэрэг бөгөөд салсан эмэгтэйтэй гэрлэсэн хэн боловч завхайрч буй хэрэг мөн.*Тангараг ³³ “Хуурамчаар бүү тангарагла, харин Эзэнд амласнаа биелүүл” гэж хууччуулд хэлснийг та нар мөн сонссон.* ³⁴ Харин Би та нарт хэлье. Юугаар ч бүү тангарагла. Тэнгэрээр ч болохгүй, энэ нь Бурханы сэнтий юм.* ³⁵ Газраар ч болохгүй, энэ нь Түүний хөлийн гишгүүр юм. Йерусалимаар ч болохгүй, учир нь энэ агуу их Хааны хот юм.* ³⁶ Толгойгоороо ч чи бүү тангарагла. Учир нь чи ширхэг үсийг ч цагаан юм уу, хар болгож үл чадна. ³⁷ Харин үг чинь “За бол за, үгүй бол үгүй” байг. Эдгээрээс цааших нь муугаас гардаг юм.

Хариу өгөх тухай
(Лк 6:29–30)

³⁸ “Нүдийг нүдээр, шүдийг шүдээр”* гэснийг та нар дуулсан. ³⁹ Харин Би та нарт хэлье. Ёр мууг үйлдэгчийг бүү эсэргүүц. Хэрэв хэн нэг нь баруун хацрыг чинь алгадвал түүн рүү нөгөө хацраа ч бас эргүүл. ⁴⁰ Хэн нэгэн чамтай заалдаж, цамцыг чинь авахыг хүсвэл дээлээ бас түүнд өг. ⁴¹ Хэн нэг нь чамайг нэг бээр газар явахыг хүчилбэл түүнтэй хамт хоёр бээр яв. ⁴² Гуйсан хүнд өг, чамаас зээлэхийг хүссэн хүнээс бүү зайлсхий.

Дайснаа хайрлахуй
(Лк 6:27–28,32–36)

⁴³ “Хөршөө хайрла, дайснаа үзэн яд” *гэж хэлснийг та нар сонссон. ⁴⁴ Харин Би та нарт хэлье. Дайснуудаа хайрла, та нарыг хавчигчдын төлөө залбир. ⁴⁵ Тэгснээрээ та нар тэнгэр дэх Эцэгийнхээ хүүхдүүд болно. Учир нь Тэрээр муу хүн дээр ч, сайн хүн дээр ч нараа мандуулж, зөвт дээр ч, зөвт бус дээр ч бороо оруулдаг юм. ⁴⁶ Та нар өөрсдийг чинь хайрлагсдыг л хайрлавал ямар шагнал та нарт байх вэ? Татвар хураагчид хүртэл ийн үйлддэг бус уу? ⁴⁷ Та нар зөвхөн ах дүүстэйгээ мэндэлбэл бусдаас илүү юу хийж байгаа юм бэ? Харийнхан ч хүртэл ингэдэг бус уу? ⁴⁸ Тиймд тэнгэрлэг Эцэг чинь төгс байдаг шиг та нар мөн төгс бай.*

---

• 5:4 Иса 61:2
• 5:5 Дуу 37:11
• ^а5:17 Мосегийн хууль болон эш үзүүлэгчдийн бичсэн номуудыг хэлж байна.
• ^b5:22 эсвэл хилэнтэй хэн боловч Зарим гар бичмэлд: шалтгаангүй уурладаг хэн ч бай
• 5:6 Иса 55:1–2
• 5:8 Дуу 24:3–4
• 5:10 1Пт 3:14
• 5:11 1Пт 4:14
• 5:12 2Шс 36:16; Үйл 7:52
• 5:14 Иох 8:12, 9:5
• 5:15 Мк 4:21; Лк 8:16, 11:33
• 5:16 1Пт 2:12
• 5:21 Гэт 20:13; Дх 5:17
• 5:27 Гэт 20:14; Дх 5:18
• 5:29 Мт 18:9; Мк 9:47
• 5:30 Мт 18:8; Мк 9:43
• 5:31 Дх 24:1–4; Мт 19:7; Мк 10:4
• 5:32 Мт 19:9; Мк 10:11–12; Лк 16:18; 1Ко 7:10–11
• 5:33 Лев 19:12; Тоо 30:2; Дх 23:21
• 5:34 Иак 5:12; Иса 66:1; Мт 23:22
• 5:35 Иса 66:1; Дуу 48:2
• 5:38 Гэт 21:24; Лев 24:20; Дх 19:21
• 5:43 Лев 19:18
• 5:48 Лев 19:2; Дх 18:13