4 1 Тэр өдөр долоон эмэгтэй нэг хүнээс зууран
“Бид өөрсдийнхөө талхыг идэж, хувцсаа өмсөнө.
Зөвхөн биднийг нэрээрээ дуудуулж,
Зэмлэлийг маань зайлуулаач” гэж хэлнэ.
Сионд үлдэгсдийн алдар суу
2 Тэр өдөр ЭЗЭНий Мөчир үзэсгэлэнтэй, сүр жавхлантай болж, газрын үр жимс Израилын амьд үлдэгсдийн бахархал, чимэг нь болно. 3 Энэ үед Сионд үлдэж, Йерусалимд хоцорсон хүмүүсийг ариун гэж дуудна. Тэд Йерусалимд амьд хэмээн тэмдэглэгдсэн хүмүүс юм. 4 Эзэн шүүлтийн Сүнс ба шатаагч Сүнсээр Сионы охидын бузрыг угааж, Йерусалимын цус урсгалтыг дотроос нь ариусгасны 5 дараа ЭЗЭН, Сион уулын бүх дэвсгэр болон чуулгануудынх нь дээгүүр өдөр нь үүл, утаа ба шөнө нь дүрэлзсэн галын гэрлийг бий болгоно. Учир нь бүх сүр жавхлангийн дээгүүр бүрхүүл байх болно.* 6 Өдрийн аагим халуунаас сүүдэрлэх саравч, шуурга, борооноос хамгаалах хоргодох газар тэнд байх болно.
- 4:5 Гэт 13:21, 24:16