Дуулал

Хааны ялалт

2 ¹ Үндэстнүүд юунд үймэлдэнэ вэ?
Ард түмнүүд дэмий юунд хуйвалдана вэ?*
² ЭЗЭН ба Түүний Тослогдсон Нэгэнийг эсэргүүцэн
Газар дэлхийн хаад сууцгааж,
Захирагчид хоорондоо зөвлөлдөж, ярилцахдаа:
³ “Бид тэдний гинжийг тасалж,
Хүлгийг нь өөрсдөөсөө зайлуулцгаая!” гэх ажээ.

⁴ Тэнгэрт залрагч харин инээж байна,
Тэднийг Эзэн бас тохуурхаж байна.
⁵ Тэгээд Тэрээр уураараа тэдэнд айлдаж
Хилэнгээрээ тэднийг айлгаж
⁶ “Ариун уул Сиондоо
Би хаанаа өргөмжилсөн” гэлээ.

⁷ Би ЭЗЭНий зарлигийг тунхаглана.
Тэр Надад хэлэхдээ
“Чи Миний Хүү, өнөөдөр Би Чамайг төрүүлэв.*
⁸ Надаас гуй! Би үндэстнүүдийг
Чиний өв болгон,
Дэлхийн хязгааруудыг ч
Чиний эзэмшил болгон өгнө.
⁹ Чи тэднийг төмөр таягаар хэмх цохиж,
Шавар сав шиг бутлах болно” гэсэн.*

¹⁰ Тиймээс хаад аа, ухаалаг бай.
Иймээс дэлхийн шүүгчид ээ, сургамж ав.
¹¹ Эмээн ЭЗЭНд үйлчилж,
Сүрдэн баясагтун.
¹² Хүүг үнс^a, эс тэгвээс Тэр уурлаж,
Та нар замдаа сүйрэх болно.
Түүний уур хилэн удахгүй асах болно.
Түүнд итгэлээ өгөгч бүхэн ерөөлтэй еэ!

• 2:1–2 Үйл 4:25–26
• 2:7 Үйл 13:33; Евр 1:5, 5:5
• 2:9 Илч 2:26–27, 12:5, 19:15
• ^a2:12 ЭЗО: Түүний өлмийг чичрэн үнсэгтүн эсвэл Хүүг чичрэн үнсэгтүн.