Дуулал

Итгэл дүүрэн гуйлт
Удирдаачид. Давидын дуулал, чавхдаст хөгжимд.

4 ¹ Зөв шударгын Бурхан минь ээ,
Дуудахад минь хариулаач!
Зовоход минь намайг Та амраасан билээ.
Намайгаа өршөөн, залбирал юуг минь сонсооч.

² Хүний хөвгүүд ээ,
Хэдий болтол нэр хүнд минь
Ичгүүр болох вэ?
Хэдий болтол та нар хоосон юманд дурлаж,
Худал хуурмагийг хайх юм бэ? Села
³ Итгэмжит хүмүүсийг ЭЗЭН
Өөртөө тусгаарласныг мэдэж ав!
ЭЗЭНийг би дуудахад Тэр намайг сонсдог юм.

⁴ Уурлавч нүгэл бүү үйлд
Үүнийг орондоо, зүрхэндээ тунгааж, дуугүй бай.* Села
⁵ Зөв шударгын тахилыг өргөж,
Зөвхөн ЭЗЭНд итгэ.

⁶ “Хэн бидэнд сайныг үзүүлэх вэ?” гэж
Хэлж байгаа хүн олон байна
Оршихуйн гэрлээ^a бидний дээр
Одоо Та тусгаач, ЭЗЭН!
⁷ Зүрхэнд минь Таны өгсөн баяр баясал нь
Хүмүүс үр тариа, шинэ дарсандаа баясах үеийнхээс ч илүү юм.

⁸ Аюулгүйгээр аж төрүүлэгч минь, ЭЗЭН Та билээ.
Амар амгалан хэвтээд, би унтах болно.

• 4:4 Еф 4:26
• ^a4:6 эсвэл нүүрийнхээ гэрлийг