Дуулал

Үхлүүт өвчнөөс эдгэхийн төлөө залбирал
Удирдаачид. Давидын дуулал, чавхдаст хөгжимд. Шеминитийн дагуу.

6 ¹ ЭЗЭН, уураараа намайг бүү зэмлээч.
Хилэнгээрээ намайг бүү гэсгээгээч.
² Сул доройгийн минь учир
ЭЗЭН, намайг өршөөгөөч.
Яс минь янгинахын учир
ЭЗЭН, намайг эдгээгээч.
³ Сэтгэл минь ихэд шанална.
ЭЗЭН минь, гэвч Та хэр удах вэ?

⁴ ЭЗЭН, эргэн ирж, сэтгэлийг минь хэлтрүүлээч.
Энэрэл хайрынхаа учир намайг авраач.
⁵ Үхдэл нь Таныг үл дурсана.
Үхэгсдийн оронд хэн Танд талархах вэ?

⁶ Ёололдоо би туйлдав.
Хайлалд минь шөнө бүр ор минь живэв.
Дэр дэвсгэр минь нулимсанд нэвчив,
⁷ Гашуудлаас болж нүдний минь гал бөхөв.
Өстнүүдээсээ болж нүд минь харанхуйлав.

⁸ Ёс бусыг үйлдэгчид та бүгд надаас холд
Учир нь ЭЗЭН миний уйлан гингэнэх дууг сонссон.*
⁹ ЭЗЭН миний гуйлтыг сонссон бөгөөд
ЭЗЭН миний залбирлыг хүлээн авдаг.
¹⁰ Миний бүх дайсан ичгүүрт орж, ихэд зүрхшээнэ.
Тэд гэнэт ичиж, ухрах болно.

• 6:8 Мт 7:23; Лк 13:27